[ad_1]
( प्रगत भारत । pragatbharat.com)
संसर्गामध्ये होतेय वाढ
अपोलो स्पेक्ट्रा रुग्णालयातील गॅस्ट्रोएन्टेरोलॉजिस्ट डॉ. हर्षद जोशी यांनी सांगितले की, पावसाळ्यात हेपेटायटीस संसर्गासह गॅस्ट्रोइंटेस्टाइनल समस्यांमध्ये वाढ होते. लहानांपासून ते थोरा-मोठ्यांपर्यंत कुठल्याही व्यक्तीसा यकृताचा त्रास होऊ शकतो. पावसाळ्यात दूषित पाण्यामुळे पोटाचा संसर्ग होतो.
पोटदुखी, जुलाब आणि मळमळ यामुळे आमांश आणि अतिसारासारख्या समस्या उद्भवतात. टायफॉइड हा एक गंभीर जिवाणू संसर्ग आहे ज्यामुळे खूप ताप, पोटदुखी, मळमळ आणि उलट्या होतात. दूषित पाण्यामुळे हेपेटायटीस ए आणि कावीळ सारख्या आजारांची लागण होते .
हेपेटायटीस ए म्हणजे काय
हेपेटायटीस ए म्हणजे यकृताचे संक्रमण (सूज). अस्वच्छता, पाणी आणि दूषित अन्नामुळे यकृताचे कार्य बिघडण्याची शक्यता वाढते. एखाद्याला काविळीचा त्रास होतो ज्यामुळे डोळे पिवळे दिसणे, पिवळी गडद लघवी, पोट दुखणे इत्यादी लक्षणे आढळून येत आहेत. मात्रा याकडे दुर्लक्ष करून अजिबात चालणार नाही. वेळीच याकडे लक्ष देणे गरजेचे आहे.
(वाचा – ओव्याचे शरीराला मिळतात जबरदस्त फायदे, वजन कमी करण्यासाठी कसा खावा)
हेपेटायटीस का होतो
झायनोवा शाल्बी रुग्णालयातील गॅस्ट्रोएन्टेरोलॉजिस्ट डॉ. विकास पांडे म्हणाले की, हेपेटायटीस ए किंवा ई दूषित अन्न किंवा पाण्यामुळे किंवा संक्रमित व्यक्तीच्या संपर्कामुळे उद्भवतो. रस्त्यावरील अन्नपदार्थांचे सेवन किंवा दूषित पाण्याने धुतलेली फळे, फळांचा रस आणि दूषित पाणी किंवा बर्फापासून तयार केले पदार्थ जसे की पाणीपुरी, गोळा, सरबत, योग्यरित्या न शिजविलेले अन्न आणि भाज्या खाणे यामुळे एखाद्याला हेपेटायटीस होण्याची शक्यता असते.
(वाचा – टाइप – २ डायबिटीसवर नियंत्रण मिळविण्यासाठी श्री श्री रविशंकर यांनी सांगितले ९० मिनिट्समध्ये काय खावे)
रूग्णांमध्ये वाढ
२०२१ मध्ये, पावसाळ्यात यकृत आणि गॅस्ट्रोइंटेस्टाइनल आजाराने ग्रस्त ११० लोकांवर उपचार करण्यात आले. २०२२ मध्ये ही रुग्णसंख्या ३२६ वर पोहोचली आहे. पावसाळा सुरू झाल्यापासून यकृताचा त्रास आणि गॅस्ट्रोइंटेस्टाइनल आजाराने त्रस्त २२० रुग्ण आढळून आले आहेत. पावसाळ्यात पाण्याचे प्रमाण खूप कमी होते. त्यामुळे यकृत आणि पोटाशी संबंधित विकार वाढतात. त्यामुळे ऋतू कोणताही असो पुरेसे पाणी पिणे अतिशय गरजेचे आहे.
(वाचा – सकाळी उपाशीपोटी प्या हा चहा आणि पावसाळ्यात ठेवा सर्व आजारांना दूर, डायबिटीस रूग्णांसाठी वरदान)
हेपेटायटीसचा संपूर्ण आरोग्यावर परिणाम
हेपेटायटीस ए आणि ई रुग्णाच्या संपूर्ण आरोग्यावर परिणाम करू शकतात. वेळीच उपचार न केल्यास ते यकृताचे नुकसान करू शकतात. जेव्हा त्वचा आणि डोळे पिवळे होतात तेव्हा हेपेटायटीस ए आणि ई कावीळ म्हणून निदान होते.
वेळीच उपचार न घेतल्यास एखाद्याची प्रकृती बिघडू शकते ज्यामुळे यकृत निकामी होते आणि शेवटी यकृत प्रत्यारोपणाची गरज भासते अशी प्रतिक्रिया डॉ. विक्रम राऊत, संचालक – यकृत प्रत्यारोपण आणि एचपीबी शस्त्रक्रिया, मेडिकवर हॉस्पिटल्स, नवी मुंबई यांनी व्यक्त केली.
काय आहेत उपाय
यावरील उपचार हे लक्षणांवर आधारीत असतात आणि प्रत्येक व्यक्तीनुसार ते वेगवेगळे असतात. डॉक्टरांनी सांगितलेली औषधे टाळू नका. ताजे आणि योग्यरिता शिजवलेल्या अन्नाचे सेवन करा, स्ट्रीट फूड खाणे टाळा आणि पाणी गाळून व उकळून प्या. बाहेरील फळांचा रस आणि इतर पेयांचे सेवन टाळा. रस्त्यावर विक्रिसाठी उपलब्ध असलेली कापून ठेवलेली फळे खाऊ नका, वारंवार हात धुवा आणि वैयक्तिक स्वच्छता राखा असे डॉ. जोशी यांनी सांगितले.
[ad_2]
